Karol Walejko er einn eigenda OPUS lögmanna. Hann útskrifaðist með meistaragráðu í lögfræði frá Háskóla Íslands og er túlkur og löggiltur skjalaþýðandi úr pólsku á íslensku. Karol öðlaðist málflutningsréttindi fyrir héraðsdómi árið 2026 en helstu sérsvið hans eru m.a. slysa- og skaðabótaréttur, fjölskylduréttur, svo sem forsjár-, skilnaðar- og barnaverndarmál, sakamál, sem og réttargæsla og erfðaréttur.
Karol Walejko
Starfsferill
Karol hefur starfað hjá OPUS frá ársbyrjun 2023. Samhliða námi starfaði hann hjá ESJU Legal og við eigin atvinnurekstur í kringum löggiltar skjalaþýðingar og túlkun. Þar áður starfaði hann sem tryggingaráðgjafi hjá VÍS.
Menntun
Karol lauk stúdentsprófi frá Menntaskólanum á Akureyri árið 2017. Hann hóf svo nám við lagadeild Háskóla Íslands árið 2019 og lauk BA-gráðu í lögfræði árið 2022 og meistaragráðu í lögfræði árið 2024. Þá hlaut hann málflutningsréttindi fyrir héraðsdómstólum í byrjun árs 2026.
BA-ritgerðin hans fjallaði um ákvörðun árslauna við óvenjulegar aðstæður sbr. 2. mgr. 7. gr. skaðabótalaga nr. 50/1993, með áherslu á erlenda aðila sem hafa nýhafið störf hér á landi. Meistararitgerðin fjallaði um mat á orsakatengslum á milli líkamstjóns og umferðar- eða vinnuslysa.
Þá er hann löggiltur skjalaþýðandi úr pólsku yfir á íslensku frá ágúst 2022 og er hann aðeins sá fjórði á landinu til þess að vera með þau tilteknu réttindi.