Bjarni Þór Sigurbjörnsson hdl.

Bjarni Þór Sigurbjörnsson hdl.

Bjarni Þór Sigurbjörnsson starfar sem fulltrúi hjá OPUS lögmönnum. Hann útskrifaðist með meistaragráðu í lögfræði frá Háskóla Íslands árið 2014 og öðlaðist málflutningsréttindi fyrir héraðsdómi árið 2015.

Helstu verkefni Bjarna Þórs eru á sviði kröfuréttar, fasteignaréttar, verktakaréttar og skaðabótaréttar.

Starfsferill

Samhliða námi á árunum 2008-2011 starfaði Bjarni Þór á fjármála- og stjórnsýslusviði Kópavogsbæjar, en vorið 2011 réð hann sig til starfa hjá OPUS lögmönnum. Haustið 2012 var hann jafnframt aðstoðarkennari í skaðabótarétti við Háskóla Íslands.

Menntun

Bjarni Þór lauk stúdentsprófi sem dúx frá Menntaskólanum í Kópavogi árið 2009. Hann stundaði skiptinám við lagadeild Háskólans í Vínarborg vorið 2013 og lauk meistaragráðu í lögfræði frá Háskóla Íslands árið 2014. Meistararitgerð hans var á sviði réttarfars og fjallaði um heimildir dómara til að fara út fyrir kröfur og málsástæður aðila einkamáls.

Annað

Meðfram námi í Háskóla Íslands sat Bjarni Þór í ritnefnd 64. og 65. árg. Úlfljóts, tímarits laganema. Hann tók þátt í málflutningskeppni Orators, félags laganema við Háskóla Íslands, sem fram fór í Hæstarétti árið 2012. Þá keppti hann ásamt liði Háskóla Íslands í Philip C. Jessup alþjóðlegu málflutningskeppninni í Washington árið 2014.